| സദാനന്ദപുരം സ്കൂളിനു് ഇതു് ധന്യ മുഹൂര്‍ത്തങ്ങള്‍! പ്ലാറ്റിനം ജൂബിലി ആഘോഷങ്ങളുടെ ഭാഗമായി നടന്ന ഗുരുവന്ദനവും പൂര്‍വവിദ്യാര്‍ത്ഥിസംഗമവും ഏവര്‍ക്കുംഅവിസ്മരണീയ നിമിഷങ്ങളെ സമ്മാനിച്ചു. ഡിസംബര്‍ 28 വെള്ളിയാഴ്ച രാവിലെ 10മണിക്കു് ആദരണീയനായ കൊല്ലം ജില്ലാ കളക്ടര്‍ ശ്രീ.പി.ജി.തോമസ് I.A.S. ദീപം കൊളുത്തി ചടങ്ങ് ഉദ്ഘാടനം ചെയ്തു. ബഹ്മാനപ്പെട്ട പി.ടി.എ.പ്രസിഡന്റ് ശ്രീ.രവീന്ദ്രന്‍ നായര്‍ ആധ്യക്ഷ്യം വഹിച്ച ചടങ്ങിനു് പ്രിന്‍സിപ്പാള്‍ ശ്രീ.രാജമോഹനന്‍സ്വാഗതം അര്‍പ്പിച്ചു. |  |
സ്റ്റേറ്റ് പ്ലാനിംഗ് ബോര്‍ഡ് ജോയിന്റ് ഡയറക്ടര്‍ ശ്രീ.കെ.നടരാജന്‍ മുഖ്യ പ്രഭാഷണവും
ഹെഡ്മിസ്ട്രസ് ശ്രീമതി.ചന്ദ്രലേഖ റിപ്പോര്‍ട്ടും അവതരിപ്പിച്ചു.
സദാനന്ദപുരത്തിന്റെ സരസ്വതീക്ഷേത്രത്തില്‍ അറിവിന്റെ കെടാത്തിരി പകര്‍ന്ന
നാല്പതോളം ഗുരുനാഥന്മാരെ കളക്ടര്‍ പൊന്നാടയണിയിച്ചു് ആദരിച്ചു.
പോയകാലത്തിന്റെ ഓര്‍മ്മകള്‍ പങ്കുവയ്ക്കുന്ന കുറേ നിമിഷങ്ങള്‍!!!
പൂര്‍വ്വ വിദ്യാര്‍ത്ഥികള്‍ക്കു് അവരുടെ അന്നത്തെ അദ്ധ്യാപകരെ കാണാനും ഇതൊരു സുവര്‍ണ്ണാവസരമായി...
ഉച്ചയ്ക്കു് 2മണിയോടെ അവസാനിച്ച കാര്യപരിപാടിയില്‍സ്കുള്‍ ഗൈഡ് ടീമിന്റെ കലാവിരുന്നും ഹൃദ്യാനുഭവമായി.
No comments:
Post a Comment