സെമിനാര്‍-ലഹരിവിമുക്തകേരളം

ആരോഗ്യവകുപ്പും സ്കൂള്‍ ഹെല്‍ത്ത് ക്ലബ്ബും സ്കൗട്ട് ആന്റ് ഗൈഡ് യൂണിറ്റും
സംയുക്തമായി ഇന്നു രാവിലെ ലഹരിവിരുദ്ധ സന്ദേശ റാലി സംഘടിപ്പിച്ചു.
സ്കൂള്‍ അങ്കണത്തില്‍ നിന്നു് വെട്ടിക്കവല പഞ്ചായത്ത് പ്രസിഡന്റ്
ശ്രീ.തങ്കച്ചന്‍ പനവേലി ഉദ്ഘാടനം ചെയ്ത റാലി കക്കാട് ജംക്ഷന്‍ വരെ
പോയി തിരിച്ചു് സ്കൂളിലെത്തി സമാപിച്ചു. തുടര്‍ന്നു് നടന്ന സെമിനാറില്‍
തുടര്‍ന്നു നടന്ന ലഹരിവിമുക്ത സെമിനാര്‍, കൊട്ടാരക്കര പോലീസ്
സബ് ഇന്‍സ്പെക്ടര്‍ ശ്രീ.ബെന്നിലാല്‍ ക്ലാസ്സെടുത്തു.

പ്രവേശനോത്സവം

സ്വാഗതം!

ഇതാ മറ്റൊരു അദ്ധ്യയന വര്‍ഷം കൂടി ആരംഭിക്കുകയായി.

ആവേശത്തോടെ, ആഹ്ലാദത്തോടെ, അഭിമാനത്തോടെ

ഈ അക്ഷരമുറ്റത്തേക്കത്തുന്ന എല്ലാ കൂട്ടുകാര്‍ക്കും സ്വാഗതം....

ഏവര്‍ക്കും നല്ലൊരു പുതുവര്ഷമാശംസിക്കുന്നു!

പ്രവേശനോത്സവം 2012-2013

പുകയില വിരുദ്ധ ദിനം

ഇന്നു് ജൂണ്‍ 26
ലോക പുകയില വിരുദ്ധ ദിനം!
മയക്കു മരുന്നുകളുടെ ഉപയോഗം ലോകമാകെ പടര്‍ന്നു കഴിഞ്ഞിരിക്കുന്നു.
ഈ മഹാ വിപത്തിനെതിരെ അണിനിരക്കാന്‍, ആവേശം പകരാന്‍, ഒരാഹ്വാനം!!!
സദാനന്ദപുരം സ്കൂളിലെ മയക്കുമരുന്നു വിരുദ്ധ ദിനാചരണവും റാലിയും...

സൗജന്യയൂണിഫോം വിതരണം

SSAഫണ്ടു് ഉപയോഗിച്ചുള്ള സൗജന്യ യൂണിഫോമുകളുടെ വിതരണം ഇന്നു് രാവിലെ പതിനൊന്നു മണിക്കു നടന്നു.PTAപ്രസിഡണ്ടിന്റെ അദ്ധ്യക്ഷതയില്‍ ചേര്‍ന്ന പ്രത്യേക യോഗം വാര്ഡു് മെമ്പര്‍ ശ്രീ.രാമചന്ദ്രന്‍ ഉദ്ഘാടനം ചെയ്തു.

ആരോഗ്യബോധവല്കരണ ക്ലാസ്സ്

സ്കൂള്‍  സ്കൗട്ട് ആന്റ് ഗൈഡ് യൂണിറ്റിന്റെയും ഹെല്‍ത്ത് ക്ലബ്ബിന്റെയും ഹെല്‍ത്ത് ഡിപ്പാര്‍ട്ടുമെന്റിന്റെയും സംയുക്താഭിമുഖ്യത്തില്‍ UP-HS-HSS വിദ്യാര്‍ഥികള്‍ക്കായി ഇന്ന് ഉച്ചയ്ക്ക് 1.30 മുതല്‍ ഒരു ബോധല്കരണ ക്ലാസ്സ് നടന്നു. ക്ലാസ്സ് വാര്ഡ് മെമ്പര്‍ ശ്രീ.രാമചന്ദ്രന്‍ ഉദ്ഘാടനം ചെയ്തു. മഴക്കാല രോഗങ്ങളെക്കുറിച്ചും മുന്‍കരുതലുകളെക്കുറിച്ചും പ്രാഥമികാരോഗ്യ കേന്ദ്രത്തില്‍ നിന്നെത്തിയ ഡോ.അജിത കുട്ടികള്‍ക്ക് ബോധല്ക്കരണം നല്കി. തുടര്‍ന്നു് സ്കൗട്ടിന്റെയും ഗൈഡിന്റെയും നേതൃത്വത്തില്‍ നടക്കുവാന്‍ പോകുന്ന ആരോഗ്യ ശുചീകരണ സര്‍വെയെപ്പറ്റി രക്ഷാകര്‍ത്താക്കള്‍ക്ക് വിശദീകരണവും നല്കി.

വിദ്യാരംഗം ഉദ്ഘാടനം

വിദ്യാരംഗം കലാസാഹിത്യ വേദി ഉദ്ഘാടനവും ചങ്ങമ്പുഴ അനുസ്മരണവും

സ്കൂള്‍ വിദ്യാരംഗം കലാസാഹിത്യ വേദി ഉദ്ഘാടനം 18.06.2012 തിങ്കളാഴ്ച ഉച്ചയ്ക്ക് 3മണിക്ക് നടന്നു.

ജില്ലാ പ്രോജക്ട് ഓഫീസര്‍ ശ്രീ.വി. പ്രകാശ് ഉദ്ഘാടന കര്‍മം നിര്‍വഹിച്ചു. അതേ വേദിയില്‍ തന്നെ ചങ്ങമ്പുഴ അനുസ്മരണവും നടന്നു. ശ്രീ. രവീന്ദ്രന്‍ നായര്‍ (പി.ടി.ഏ.പ്രസിഡന്റ്) ആണു് ചങ്ങമ്പുഴ അനുസ്മരണ പ്രഭാഷണം നടത്തിയതു്.

ഹെഡ്മിസ്ട്രസ്സ് ശ്രീമതി. ചന്ദ്രലേഖ ആദ്ധ്യക്ഷം വഹിച്ച ചടങ്ങില്‍ സ്റ്റാഫ് സെക്രട്ടറി ശ്രീ. രാജുക്കുട്ടി, ഐ.ടി.കോര്‍ഡിനേറ്റര്‍ ശ്രീ.സോമശേഖരന്‍, സീനിയര്‍ അസിസ്റ്റന്റ് ശ്രീ.പീറ്റര്‍ സാമുവല്‍ തുടങ്ങിയവര്‍ ആശംസകളര്‍പ്പിച്ചു....

പരിസ്ഥിതിദിനാഘോഷം

ലോകപരിസ്ഥിതിദിനം

ഇന്നു് ജൂണ്‍ 5

ലോകമാകെ പ്രകൃതിസംരക്ഷണദിനമായി ആചരിക്കുന്നു.

സദാനന്ദപുരം സ്കൂളിലും ആഘോഷങ്ങളുടെ ആവേശനിമിഷങ്ങള്‍...